မြန်မာရွှေ့ပြောင်းအလုပ်သမားများ၏ ၁၄ ရက်တာ ငြိမ်သက်လှုပ်ရှားမှု အရှိန်ရ အောင်မြင်နေ

မြန်မာရွှေ့ပြောင်းအလုပ်သမား အများဆုံးရှိတဲ့ မြို့တွေမှာ အရှိန်ကောင်းနေတဲ့ ၁၄ ရက်တာ ငြိမ်သက်စွာ တုံ့ပြန်တဲ့ ကမ်ပိန်းဟာ အောင်မြင်မှုရတဲ့ အနေအထား ရောက်နေပြီလို့ အလုပ်သမားကူညီရေးအဖွဲ့တွေနဲ့ ကမ်ပိန်းမှာ ပူးပေါင်းပါဝင်နေတဲ့သူတွေက ပြောပါတယ်။ ထိုင်းနိုင်ငံမှာ မြန်မာရွှေ့ပြောင်းအလုပ်သမားတွေ အများဆုံးရှိနေတဲ့ ဘန်ကောက်၊ အယုဒ္ဓယ၊ မဟာချိုင်နဲ့ မဲဆောက်မြို့တွေမှာ ဇန်နဝါရီ ၂၆ ရက်က စခဲ့တဲ့ ၁၄ ရက်တာ ငြိမ်သက်စွာ တုံ့ပြန်မှု ကမ်ပိန်းဟာ အရှိန်ကောင်းလာနေပြီး ထိုင်းလူမျိုးတွေနဲ့ မြန်မာလူမျိုးတွေအကြား ဖြစ်နေတဲ့ တင်းမာမှုတွေ လျော့ကျလာနေပြီလို့ ပူးပေါင်းပါဝင်သူတွေနဲ့ အလုပ်သမားရေး ကူညီနေတဲ့ အဖွဲ့တွေက ပြောပါသည်။