အရှေ့တောင်အာရှနိုင်ငံတွေထဲမှာ သက်တမ်းအရှည်ကြာဆုံး တိရစ္ဆာန်ဥယျာဉ်တစ်ခုဖြစ်တဲ့ ရန်ကုန်တိရစ္ဆာန်ဥယျာဥ် နှစ် ၁၂၀ ပြည့် အထိမ်းအမှတ်ပွဲတော်ကို ကျင်းပလျက်ရှိရာ ယမန်နေ့ ဖေဖော်ဝါရီလ ၁ ရက်နေ့ဟာ အများပြည်သူရုံးပိတ်ရက်လည်းဖြစ်တာကြောင့် လာရောက်လည်ပတ်သူများပြား စည်ကားခဲ့ပါတယ်။နှစ်ပေါင်း ၁၂၀ ပြည့်မြောက်သွားပြီဖြစ်တဲ့ တိရစ္ဆာန်ဥယျာဉ်(ရန်ကုန်)ရဲ့ နှစ်၁၂၀ပြည့်နှစ် အထိမ်းအမှတ်ဖွင့်ပွဲအခမ်းအနားကိုတော့ မနေ့က ဇန်နဝါရီလ ၃၁ ရက် မနက်ပိုင်းမှာ ကျင်းပခဲ့တာပါ။သက်တမ်း ၁၂၀ နှစ်ပြည့် အထိမ်းအမှတ်ပွဲတော်ကို ဖေဖော်ဝါရီ ၄ ရက်အထိ ကျင်းပမှာဖြစ်ပြီး၊ ဈေးရောင်းပွဲတော်၊ အဆို၊ အက၊ မျက်လှည့်ပွဲများအပြင် ကလေးငယ်တွေအတွက် Talk Show တွေကိုလည်း ပြုလုပ်သွားမှာဖြစ်ပါတယ်။
