ယူကရိန်းကို တစ်ပတ်ကြာ ပစ်ခတ်မှုရပ်ဆိုင်းရန် ရုရှားသမ္မတပူတင်မှ သဘောတူညီ

အမေရိကန်သမ္မတ ဒေါ်နယ်ထရမ့်ကို ရုရှား သမ္မတဗလာဒီမာပူတင်က ဆောင်းရာသီ အေးခဲမှု ကြောင့် ကိယက်ဗ်နဲ့ အခြားယူကရိန်းမြို့တွေကို တစ်ပတ်ကြာ ပစ်ခတ်မှုကနေ ရှောင်ကြဉ်ဖို့ သဘောတူခဲ့တယ် လို့ ဖော်ပြထားပါတယ်။ ယူကရိန်းသမ္မတ ဇယ်လန်းစကီးကလည်း ဝါရှင်တန် အစီအစဉ်အတွက် ကျေးဇူးတင်ကြောင်း ပြောကြားခဲ့ပြီး ကိယက်ဗ်ရှိ တိုက်ခန်းရာပေါင်းများစွာဟာ ရေခဲမှတ်ရာသီဥတုကြောင့် လျှပ်စစ်ဓာတ်အား ပြတ်တောက်ခဲ့ပြီး ဒါဟာ စွမ်းအင်ပစ်မှတ်တွေအပေါ် ရုရှားရဲ့ တိုက်ခိုက်မှုကြောင့် ရပ်တန့်စေခဲ့တယ်လို့ ပြောကြားထားပါတယ်။"ပစ်ခတ်မှုကို တစ်ပတ်ကြာ ရပ်တန့်ပေးနိုင် မလားလို့ သမ္မတပူတင်ကို ကျွန်တော်တို့ မေးခဲ့ပါတယ်"လို့ ထရမ့်က ဘဲဥပုံရုံးခန်းရှေ့မှာ သတင်းထောက်တွေကို ပြောကြားခဲ့ပါတယ်။ထရမ့်က သူ့ရဲ့ ငြိမ်းချမ်းရေး အစီအစဉ်က မအောင်မြင်သေးပေမယ့် တိုးတက်လာနိုင်သေးတယ်လို့ပြောပါတယ်။