နေပြည်တော်စည်ပင်မှ ၂၀၂၆-၂၀၂၇ ဘဏ္ဍာနှစ်အတွက် လမ်းဘေးဈေးကောက်နှင့် အဆင့်မြင့်သန့်စင်ခန်းလိုင်စင်များ လေလံတင်ရောင်းချမည်

နေပြည်တော်စည်ပင်သာယာရေးကော်မတီသည် ၂၀၂၆-၂၀၂၇ ဘဏ္ဍာနှစ်အတွက် ပျဉ်းမနား၊ လယ်ဝေး၊ တပ်ကုန်းနှင့် ပုဗ္ဗသီရိမြို့နယ်တို့ရှိ လမ်းဘေးပျံကျဈေးကောက်လိုင်စင်များနှင့် မင်္ဂလာရှမ်းကန်၊ မင်္ဂလာကန်တော်တို့ရှိ အဆင့်မြင့်သန့်စင်ခန်း လုပ်ကိုင်ခွင့်လိုင်စင်များကို ဈေးပြိုင်စနစ်ဖြင့် လေလံတင်ရောင်းချသွားမည်ဖြစ်သည်။ ပျဉ်းမနားမြို့ လမ်းဘေးဈေးကောက်အတွက် အာမခံငွေ ကျပ် ၁၈၃ သိန်းအပါအဝင် မြို့နယ်အလိုက် အာမခံငွေများကို သတ်မှတ်ထားပြီး၊ အဆင့်မြင့်သန့်စင်ခန်းများအတွက် တစ်နှစ်စာ အာမခံငွေ ကျပ် ၅၂,၀၀၀ စီ သတ်မှတ်ထားကြောင်း သိရသည်။ စိတ်ပါဝင်စားသူများအနေဖြင့် အာမခံငွေနှင့် လျှောက်လွှာများကို ဖေဖော်ဝါရီလ ၆ ရက်ထက် နောက်မကျဘဲ တင်သွင်းရမည်ဖြစ်ကာ၊ လေလံပွဲကို ဖေဖော်ဝါရီလ ၁၉ ရက် မနက် ၁၀ နာရီတွင် နေပြည်တော်စည်ပင်သာယာရေးကော်မတီ ဈေးများဌာန၌ ကျင်းပသွားမည်ဖြစ်ပါသည်။