လာအိုနိုင်ငံ၊ ဗီယင်ကျန်းမြို့ အမျိုးသားယဉ်ကျေးမှုခန်းမ၌ အနုပညာလက်ရာများ ပြပွဲဖွင့်လှစ်

လာအိုနိုင်ငံ၊ ယဉ်ကျေးမှုနှင့် ခရီးသွားလာရေးဝန်ကြီးဌာနနှင့် အမျိုးသားအနုပညာဦးစီးဌာနတို့ ပူးပေါင်း၍ အနုပညာလက်ရာပေါင်း ၁၂၂ ခု ပါဝင်သည့် ပြပွဲတစ်ရပ်ကို ဇန်နဝါရီ ၂၃ ရက်က အမျိုးသားယဉ်ကျေးမှုခန်းမ၌ ဖွင့်လှစ်ခဲ့သည်။ အဆိုပါပြပွဲသည် (၁၂) ကြိမ်မြောက် လာအိုပြည်သူ့တော်လှန်ရေးပါတီ ကွန်ဂရက်၏ အောင်မြင်မှု၊ ပါတီတည်ထောင်ခြင်း နှစ် ၇၀ ပြည့်နှင့် လာအိုပြည်သူ့ဒီမိုကရေစီသမ္မတနိုင်ငံ ထူထောင်ခြင်း နှစ် ၅၀ ပြည့် စသည့် နိုင်ငံ၏ အရေးကြီးသော သမိုင်းမှတ်တိုင်များကို ဂုဏ်ပြုကျင်းပခြင်းဖြစ်သည်။ ပြပွဲတွင် ပန်းချီကားများ၊ ပန်းပုလက်ရာများ၊ ရိုးရာအနုပညာရပ်များနှင့် သမိုင်းဝင်ဓာတ်ပုံများကို ခင်းကျင်းပြသထားကြောင်း သိရှိရပါသည်။