ထိုင်းနိုင်ငံမှာ ကျင်းပပြုလုပ်နေတဲ့ အာဆီယံပါရာဂိမ်း စီပီ တစ်ဖက် ခုနှစ်ယောက်ဘောလုံးပြိုင်ပွဲမှာ မြန်မာမသန်စွမ်းစီပီ ဘောလုံးအသင်းက အုပ်စု တတိယပွဲမှာ ဖိလစ်ပိုင်ကို ၂၂-၀ ဂိုးနဲ့နိုင်ပြီး အုပ်စုကို ဦးဆောင်နေပါတယ်။ မြန်မာအသင်းဟာ အုပ်စုအဖွင့်ပွဲမှာ အိမ်ရှင်ထိုင်းနဲ့ နှစ်ဂိုးစီသရေ၊ ဒုတိယပွဲမှာ မလေးရှားကို ၄-၁ဂိုး၊ တတိယပွဲမှာ ဖိလစ်ပိုင်ကို ၂၂-၀ဂိုးတွေနဲ့အနိုင်ရထားပြီး သုံးပွဲကစား၊ နှစ်ပွဲနိုင်၊ တစ်ပွဲသရေ၊ ရမှတ် ခုနှစ်မှတ်နဲ့ အုပ်စုကို ဦးဆောင်နေတာလည်းဖြစ်ပါတယ်။
အာဆီယံပါရာဂိမ်း စီပီဘောလုံးပြိုင်ပွဲကို အိမ်ရှင်ထိုင်း၊ မြန်မာ၊ မလေးရှား၊ ဖိလစ်ပိုင်၊ အင်ဒိုနီးရှားအသင်းတို့ ဝင်ရောက် ယှဉ်ပြိုင်နေပြီး အုပ်စုထိပ်ဆုံး နှစ်သင်း ဗိုလ်လုပွဲကစားရမှာဖြစ်လို့ မြန်မာအသင်းအနေနဲ့ အုပ်စု နောက်ဆုံးပွဲမှာ အင်ဒိုကို သရေကစားနိုင်ရုံနဲ့ ဗိုလ်လုပွဲ တက်နိုင်မှာ ဖြစ်ပါတယ်။
