လ၏တစ်ဖက်ခြမ်း၌ ထူးဆန်းသည့်အရာတစ်ခုကို တရုတ်က ရှာဖွေတွေ့ရှိခဲ့

လ၏တစ်ဖက်ခြမ်း (ကမ္ဘာမှမမြင်ရသောဘက်) တွင် အက်တမ်တစ်လုံးစာသာ အထူရှိသော နံရံများပါရှိသည့် သေးငယ်လှသော ကာဗွန်နာနိုပြွန်များကို တွေ့ရှိခဲ့ရသည်။ ၎င်းသည် လူသားတို့၏ ခေတ်မီဆန်းသစ်သော အင်ဂျင်နီယာအတတ်ပညာဖြင့်သာ ပြုလုပ်နိုင်သည်ဟု ကြာမြင့်စွာကပင် ထင်မှတ်ထားခဲ့သည့် ပစ္စည်းတစ်ခုကို သဘာဝအတိုင်းလည်း ထုတ်လုပ်နိုင်ကြောင်း ပထမဆုံး အတည်ပြုနိုင်သည့် သက်သေအထောက်အထား ဖြစ်လာခဲ့သည်။၎င်းတို့ကို လ၏တစ်ဖက်ခြမ်းသို့ ပထမဆုံးအကြိမ် ဆင်းသက်ပြီး နမူနာများကို ကမ္ဘာသို့ ပြန်လည်သယ်ဆောင်လာနိုင်ခဲ့သည့် တရုတ်နိုင်ငံ၏ ၂၀၂၄ ခုနှစ် ချန်အီ-၆ အာကာသယာဉ်မှ ကောက်ယူလာသော ကျောက်များအတွင်း ရှာဖွေတွေ့ရှိခဲ့ခြင်းဖြစ်ကြောင်း သိရသည်။