တာချီလိတ်မြို့တွင် ထိုင်းနိုင်ငံသားအပါအဝင် ငွေကျပ်သိန်း ၅၀ ကျော်တန်ဖိုးရှိ မူးယစ်ဆေးဝါးများဖမ်းဆီးရမ

ရှမ်းပြည်နယ်(အရှေ့ပိုင်း)၊ ဝိန်းကျောက်ရပ်ကွက်၊ တော်ကော့ (တွင်း)၊ (၂)လမ်းရှိ မူးယစ်ဆေးဝါးသတင်းရရှိထားသော နေအိမ်အား ဝင်ရောက်ရှာဖွေရာ နေအိမ်တွင် ထိုင်းနိုင်ငံသားနှင့်အတူ ငွေကျပ်သိန်း ၅၀ ကျော်တန်ဖိုးရှိ မူးယစ်ဆေးဝါးများဖမ်းဆီးရမိခဲ့ကြောင်း သိရသည်။ထိုင်းနိုင်ငံသူ Miss Phaknapatcha Songthong နှင့် မြန်မာနိုင်ငံသား လီလို(ခ)လီဖူ(ကျား)တို့ ၃ ဦးအား တွေ့ရှိရပြီး နေအိမ်နှင့် ခြံဝင်းအတွင်းတို့မှ စိတ်ကြွဆေးပြား ၄၂၀၀ ပြား(ဒေသကာလတန်ဖိုး ငွေကျပ် ၂၉.၄ သိန်းခန့်)၊ Ketamine Pop ၁၂ ခု၊ အလေးချိန် ၉.၆ မီလီလီတာခန့်(ဒေသကာလတန်ဖိုး ငွေကျပ် ၂၈.၈ သိန်းခန့်)၊ လက်ကိုင်ဖုန်း ၄ လုံး၊ မော်တော်ယာဉ် ၁ စီးတို့အား သိမ်းဆည်းရမိခဲ့ကြောင်း သိရသည်။ယခုမူးယစ်ဆေးဝါးများနှင့်ဖမ်းဆီးရမိသော တရားခံများအား ဟောင်လိတ်နယ်မြေရဲစခန်း မယ(ပ)၇/၂၀၂၆၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၉(က)/၂၁ အရ အမှုဖွင့်လှစ်ထားရှိပါသည်။