ထိုင်းနိုင်ငံ မဲဆောက်မှာ TikTok ဆယ်လီ ဧရာဝတီမ ဆိုသူ လုယက် သတ်ဖြတ်ခံခဲ့ရ

ထိုင်းနိုင်ငံ၊ မဲဆောက်မြို့၊ မယ်တောင် TK ကြီးရပ်ကွက်ရှိ ခြံကွက်လပ်တစ်ခုအတွင်း၌ TikTok ဆယ်လီ LGBT တစ်ဦးဖြစ်သူ ဧရာဝတီမ (ခ) ကိုတင်ဇော်ထွေး၏ ရုပ်အလောင်းကို ဇန်နဝါရီ ၂၀ ရက် ညနေပိုင်းတွင် ဒဏ်ရာများဖြင့် မှောက်ရက်အနေအထားဖြင့် ပြန်လည်တွေ့ရှိခဲ့ကြောင်း သိရသည်။ ၎င်းသည် ဇန်နဝါရီ ၁၉ ရက် ညပိုင်းက သီဟဆိုသူနှင့် ချိန်းတွေ့ရန် ထွက်ခွာသွားပြီးနောက် ပျောက်ဆုံးနေခဲ့ခြင်းဖြစ်ကာ၊ အသတ်ခံရသူနှင့်အတူ ပါရှိသွားသော iPhone 17 Pro Max တစ်လုံးနှင့် ရွှေထည်ပစ္စည်းများကို သတ်ဖြတ်သူက လုယက်ယူဆောင်သွားခဲ့ခြင်း ဖြစ်သည်။ လက်ရှိတွင် ထိုင်းရဲတပ်ဖွဲ့က အခင်းဖြစ်ပွားရာနေရာ၌ သံသယရှိသူတစ်ဦး၏ ပန်းရောင်ကတ် (ဘတ်ကတ်) ကို သိမ်းဆည်းရမိထားပြီး တရားခံကို အမြန်ဆုံးဖမ်းဆီးနိုင်ရန် စုံစမ်းစစ်ဆေးမှုများ အရှိန်မြှင့်ဆောင်ရွက်လျက်ရှိကြောင်း သိရှိရပါသည်။