ထိုင်းနိုင်ငံသို့ အခွန်ကင်းလွတ်ခွင့်ဖြင့် မြန်မာ့ပြောင်း တင်ပို့ရန် ပြင်ဆင်

လာမည့် ဖေဖော်ဝါရီလတွင် ထိုင်းနိုင်ငံသို့ အခွန်ကင်းလွတ်ခွင့်ဖြင့် ပြောင်းတင်ပို့ရန် ပြင်ဆင်နေကြောင်း ပြောင်းကုန်သည်များ၏ပြောပြချက်အရ သိရသည်။မြန်မာ့ပြောင်းကို ထိုင်းနိုင်ငံသို့ အခွန်ကင်းလွတ်ခွင့်ဖြင့် ဖေဖေါ်ဝါရီလ(၁)ရက်နေ့ ဩဂုတ်လ (၃၁) ရက်အထိ တင်ပို့ခြင်းဖြစ်သည်။

ထိုင်းနိုင်ငံသို့ ပြောင်းတင်ပို့ရာတွင် ရန်ကုန်ဆိပ်ကမ်းမှ ဘန်ကော်ဆိပ်ကမ်းများသို့လည်းကောင်း၊ ကော့သောင်း-ရနှောင်းလမ်းကြောင်းမှလည်းကောင်း၊ တာချီလိတ်လမ်းကြောင်းမှလည်းကောင်း တင်ပို့နေခြင်းဖြစ်ကြောင်း သိရသည်။ပြီးခဲ့သည့် ၂၀၂၅ ခုနှစ်တွင် ထိုင်းနိုင်ငံသို့ပြောင်းတန်ချိန် (၁ဒသမ၈)သန်းခန့် တင်ပို့နိုင်ခဲ့ပြီး၊ ယခု၂၀၂၆ခုနှစ်တွင်လည်း ယခင်နှစ်က တန်ချိန်ပမာဏအတိုင်း တင်ပို့နိုင်ရန် စီစဥ်ထားကြောင်းသိရသည်။မြန်မာနိုင်ငံတွင် ပြောင်းစိုက်ဧက (၂)သန်းကျော်ရှိပြီး တန်ချိန် (၃)သန်းကျော် ထွက်ရှိကြောင်း၊

ပြည်တွင်းသုံးစွဲမှုအနေဖြင့် ပြောင်းတန်ချိန် (၁) သန်းခန့်ရှိပြီး နှစ်စဉ်ပြည်ပကို တန်ချိန် (၂)သန်းကျော် တင်ပို့လျက်ရှိကြောင်း သိရသည်။