မိုးညှင်းမြို့နယ် ပင်ရဲလှကျေးရွာ၌ (၉) ကြိမ်မြောက် မြစိမ်းရောင်စီမံကိန်းရန်ပုံငွေ သိန်း ၄၇၀ ကျော် ထုတ်ချေး

ကချင်ပြည်နယ်၊ မိုးညှင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနသည် ပင်ရဲလှကျေးရွာရှိ ဒေသခံပြည်သူများ အလုပ်အကိုင်အခွင့်အလမ်းနှင့် မိသားစုဝင်ငွေ တိုးပွားလာစေရန်အတွက် (၉) ကြိမ်မြောက် မြစိမ်းရောင်ကျေးရွာစီမံကိန်း အရင်းမပျောက် လည်ပတ်ရန်ပုံငွေ ကျပ် ၄၇၈ သိန်းကို ဇန်နဝါရီ ၁၇ ရက်တွင် ထုတ်ချေးပေးခဲ့သည်။ ယင်းထုတ်ချေးမှုတွင် စိုက်ပျိုးရေး၊ မွေးမြူရေးနှင့် အရောင်းအဝယ်လုပ်ငန်း လုပ်ကိုင်သူ အသင်းသား/သူ စုစုပေါင်း ၅၆ ဦး ပါဝင်ပြီး၊ အဆိုပါစီမံကိန်းကို ၂၀၁၇-၂၀၁၈ ဘဏ္ဍာနှစ်မှစတင်ကာ ကျေးလက်နှင့်မြို့ပြ ကွာဟမှုကျဉ်းမြောင်းစေရန်နှင့် ဆင်းရဲမှုလျှော့ချရန် ရည်ရွယ်ချက်များဖြင့် အောင်မြင်စွာ အကောင်အထည်ဖော်ဆောင်ရွက်နေခြင်းဖြစ်ကြောင်း သိရှိရပါသည်။