ထိုင်းသို့ နိုင်ငံခြားသားတွေ Visa Free နဲ့ တစ်နှစ်မှာ နှစ်ကြိမ်ပဲ ဝင်နိုင်တယ်ဆိုတဲ့ သတင်းဟာ အမှားဖြစ်တယ်လို့ ထိုင်းအစိုးရ ကြေညာ

၂၀၂၆ ခုနှစ် ဇန်နဝါရီလ ၁၇ ရက်နေ့မှာ ထိုင်းနိုင်ငံ Digital Economy and Society ဝန်ကြီးဌာနက အွန်လိုင်းပေါ်မှာ ပျံ့နှံ့နေတဲ့ သတင်းမှားတစ်ခုကို သတိပေးလိုက်ပါတယ်။ အဲဒီသတင်းကတော့ နိုင်ငံခြားသားတွေ ဗီဇာမလိုဘဲ ဝင်ရောက်ခွင့် (visa-free entry) ကို စည်းမျဉ်းသစ်တွေအရ တစ်နှစ်မှာ ၂ ကြိမ်ပဲ ကန့်သတ်လိုက်တယ်ဆိုတဲ့ အချက်ပဲ ဖြစ်ပါတယ်။လူဝင်မှုကြီးကြပ်ရေးဗျူရို ကတော့ ဒီအချက်ဟာ မှားယွင်းကြောင်း အတည်ပြုထားပြီး ဒီလိုကန့်သတ်ချက်မျိုးလုပ်ဖို့ ဥပဒေပြင်ဆင်တာ၊ ကြေညာတာမျိုး မရှိသေးဘူးလို့ ဆိုပါတယ်။ ဒါပေမဲ့ မကြာခဏ ဝင်ထွက်နေတဲ့ "visa runs" ပုံစံမျိုးတွေကိုတော့ တင်းတင်းကျပ်ကျပ် စိစစ်နေဆဲ ဖြစ်ပါတယ်။ဒီသတင်းမှားအပြင် ကျန်းမာရေးဆိုင်ရာ လွဲမှားတဲ့အချက်အလက်တွေ၊ ရွေးကောက်ပွဲမတိုင်မီ ငွေထုတ်ယူမှုဆိုင်ရာ စွပ်စွဲချက်တွေနဲ့ အွန်လိုင်းထီရောင်းချမှုဆိုင်ရာ သတင်းမှားတွေလည်း ပျံ့နှံ့နေပါတယ်။ ဝန်ကြီးဌာနအနေနဲ့ ပြည်သူတွေကို သတင်းမှားတွေ မယုံကြည်ကြဖို့၊ ဆက်လက်မဖြန့်ဝေကြဖို့နဲ့ တရားဝင်သတင်းရင်းမြစ်တွေက အချက်အလက်တွေကိုသာ ယုံကြည်ကြဖို့ တိုက်တွန်းထားပါတယ်။