ရှမ်းပြည်နယ်တောင်ပိုင်း ဖယ်ခုံမြို့တွင် မြို့စွန်ရပ်ကွက်များနှင့် စစ်တပ်နှင့် နီးသောနေရာများတွင် ရှင်းလင်းရေးမလုပ်ရသေးဘဲ ခြုံများဖြင့်ပိတ်နေဆဲဖြစ်ကာ နွေရာသီကာလ တောမီးများကြောင့် နေအိမ်များပါ မီးလောင်ပျက်စီးသွားမည်ကို ပိုင်ရှင်များစိုးရိမ်နေကြသည်။ဖယ်ခုံမြို့ရှိနေရာအချို့တွင် မြေမြုပ်မိုင်း၊ စစ်လက်နက်အကြွင်းအကျန် အန္တရာယ်များရှိနေသေးသောကြောင့်မြို့ခံများနေအိမ်ရှင်းလင်းရေးမလုပ်ရဲသေးကြောင်းသိရသည်။ဖယ်ခုံမြို့တွင် ပြီးခဲ့သည့်နှစ်များတွင်လည်းနွေရာသီ၌ မကြာခဏမီးလောင်မှုများဖြစ်ပွားခဲ့ပြီး နေအိမ်အချို့မီးလောင်ပျက်စီးသွားခဲ့ရကြောင်းသိရသည်။
