၂၀၂၅ အာဖရိကနိုင်ငံများဖလား ဗိုလ်လုပွဲမှာ အသုံးပြုမယ့် ဘောလုံးကို အာဖရိကဘောလုံးအဖွဲ့ချုပ်က မိတ်ဆက်ပြသ

အာဖရိကဘောလုံးအဖွဲ့ချုပ် (CAF) သည် ၂၀၂၅ အာဖရိကနိုင်ငံများဖလား (AFCON) ဗိုလ်လုပွဲတွင် အသုံးပြုမည့် အထူးထုတ် ရွှေရောင်ဘောလုံးကို တရားဝင်မိတ်ဆက်လိုက်သည်။ နာမည်ကြီးအားကစားပစ္စည်းထုတ်လုပ်ရေးကုမ္ပဏီ Puma မှ ဖန်တီးထားသည့် ဤဘောလုံးသည် ဗိုလ်လုပွဲ၏ ဂုဏ်ဒြပ်နှင့် လိုက်လျောညီထွေဖြစ်စေရန် ရွှေရောင်အဆင်းဖြင့် ထူးခြားစွာ ဒီဇိုင်းထုတ်ထားခြင်းဖြစ်သည်။လာမည့် တနင်္ဂနွေနေ့ည ၁:၃၀ နာရီ တွင် ယှဉ်ပြိုင်မည့် ဗိုလ်လုပွဲ၌ အိမ်ရှင် မော်ရိုကိုအသင်းနှင့် ဆီနီဂေါအသင်းတို့သည် ယှဉ်ပြိုင်ကြမည်ဖြစ်ကြောင်း သိရှိရပါသည်။