မြန်မာနိုင်ငံ တောင်သူများ ချေးငွေပမာဏတိုးရေး တောင်းဆို – လယ်ဧကရှိသလောက် ချေးဖို့လိုအပ်

မိုးစပါးစိုက်ပျိုးရေးအတွက် မြန်မာ့လယ်ယာဖွံ့ဖြိုးရေးဘဏ်မှ ချေးပေးနေသည့် တဧကလျှင် ၁၅၀,၀၀၀ ကျပ်သာဖြစ်သဖြင့် တောင်သူများက စိုက်ပျိုးစရိတ်မလုံလောက်ကြောင်း ထောက်ပြကာ ချေးငွေပမာဏတိုးပေးရန်နှင့် လယ်ဧကရှိသလောက် ချေးငွေထုတ်ချေးစနစ် ပြုပြင်ရေး တောင်းဆိုနေကြသည်။ စိုက်ပျိုးရန် တဧကလျှင် အနည်းဆုံး ၃ သိန်းမှ ၅ သိန်းအထိလိုအပ်ကြောင်း၊ လက်ရှိချေးငွေအနည်းကြောင့် အတိုးကြီးတဲ့ အခြားဘဏ်များထံမှ ငွေချေးယူရသဖြင့် တောင်သူဘဝအခက်အခဲဖြစ်ပေါ်နေကြောင်း ပြောကြသည်။