ရေပြင် ရှာဖွေ/ကယ်ဆယ်ရေး စပိဘုတ် မောင်းနှင်/ပြုပြင်ရေး သင်တန်း ( အမှတ်စဥ်-၁)

မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းဒေသကြီးကော်မတီ) မှ ဖွင့်လှစ်သည့် ရေပြင် ရှာဖွေ/ကယ်ဆယ်ရေး စပိဘုတ် မောင်းနှင်/ ပြုပြင်ရေး သင်တန်း (အမှတ်စဥ်-၁) ကို ယနေ့ မေလ ၂၅ ရက်တွင် စတင်ခဲ့ပါသည်။မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းဒေသကြီးကော်မတီ) ဥက္ကဋ္ဌ ကိုလှိုင်မင်းဦးမှ အသက်ကယ်ဝတ်စုံ (Life Jacket) များ အကြောင်းနှင့် သင်တန်းတွင် ဆောင်ရန်ရှောင်ရန်များကို သင်ကြားပို့ချခဲ့ပါသည်။သင်တန်းကို မေလ ၂၅ ရက်မှ ၃၀ ရက်နေ့ထိ စာတွေ့လက်တွေ့ သင်ခန်းစာများဖြင့် ကန်တော်ကြီးနှင့် ဒုဋ္ဌဝတီမြစ်အတွင်း သင်ကြားပို့ချမည်ဖြစ်ပြီး နိုင်ငံတဝှမ်းမှ ကယ်ဆယ်ရေးအဖွဲ့ဝင် ၄၀ ကျော် တက်ရောက်သင်ကြားလျက်ရှိပါသည်။