ထုတ်လုပ်မှု ရပ်ထားသည့် တရုတ်အီးဗီအမှတ်တံဆိပ် HiPhi အား ထုတ်လုပ်မှုပြန်စတင်မည်

တစ်နှစ်ကျော်ကြာ ထုတ်လုပ်မှု ရပ်ထားသည့် တရုတ်အီးဗီအမှတ်တံဆိပ် HiPhi ပြန်လည်ဘီးလိမ့်တော့မည်ဟု သတင်းများ ထွက်ပေါ်သည်။ ပိုင်ရှင် အပြောင်းအလဲ ရှိခဲ့ပြီး ပိုင်ရှင်အသစ်က ထုတ်လုပ်မှုပြန်စတင်မည်။ လက်ဘနွန်မှ ရင်းနှီးမြှုပ်နှံသူတစ်ဦးသည် HiPhi တွင် ရင်းနှီးမြှုပ်နှံထားပြီး HiPhi သည် ရင်းနှီးမြှုပ်နှံသူ ချမှတ်ပေးထားသည့် ကာလအတွင်း မဖြစ်မနေ လုပ်ငန်းပြန်လည်စတင်ရန် လိုအပ်သည်။ HiPhi ၏ စက်ရုံသည် ရှိပြီးသား မော်ဒယ်များကို ထုတ်လုပ်မည် ဖြစ်ပြီး တစ်နှစ်တာ ထုတ်လုပ်မှုစွမ်းရည်မှာလည်း ယခင်အတိုင်း အစီးရေ ၁ သိန်းခွဲ ဖြစ်သည်။