ထိုင်းစတော့အိတ်ချိန်းစာရင်းဝင်အိမ်ရာ developer များ အားလုံး ယခုနှစ် ပထမ၃လပတ်တွင် ဝင်ငွေနှင့် အသားတင်အမြတ် နှစ်မျိုးစလုံး ယခင်နှစ် ပထမ၃လပတ်ထက် လျော့နည်း

ထိုင်းစတော့အိတ်ချိန်းစာရင်းဝင် ၃လပတ်ဝင်ငွေ အနည်းဆုံး၂.၅ ဘီလီယံ ရှိသည့်အိမ်ရာ developer များ အားလုံးသည် ယခုနှစ် ပထမ၃လပတ်တွင် ဝင်ငွေနှင့် အသားတင်အမြတ် နှစ်မျိုးစလုံး ယခင်နှစ် ပထမ၃လပတ်ထက် လျော့နည်းခဲ့ကြသည်။လျော့ကျစေသည့် အဓိကအကြောင်းရင်းများမှာ တိုင်းပြည်စီးပွားရေး ကြီးထွားနှုန်း နှေးနေခြင်းနှင့် အိမ်ရာဝယ်ရန် ဘဏ်ချေးငွေ လျှောက်ထားကြသည့်အခါ ပယ်ချခံရသည်က များနေခြင်းတို့ ဖြစ်သည်။အိုးအိမ်စီးပွားရေးလုပ်ငန်းအသင်း Housing Business Association အဆိုအရ ၂၀၂၄ စတုတ္ထ၃လပတ်တွင် ၄၀%၊ ၂၀၂၅ ပထမ၃လပတ်တွင် ၄၅% ပယ်ချခံရသည်။