ဂျာမန်၊ ပြင်သစ်၊ ဒတ်ခ်ျ၊ ဒိန်းမတ်၊ ဗြိတိန်၊ အမေရိကန်နှင့် ကနေဒါ အာဏာပိုင်များ Operation Endgame စစ်ဆင်ရေး ဆင်နွှဲ

ဂျာမန်၊ ပြင်သစ်၊ ဒတ်ခ်ျ၊ ဒိန်းမတ်၊ ဗြိတိန်၊ အမေရိကန်နှင့် ကနေဒါ အာဏာပိုင်များသည် malware မျိုးကွဲများနှင့် ၎င်းတို့နောက်ကွယ်မှ ကျူးလွန်သူများကို နှိမ်နင်းရန် တပ်ဖွဲ့ဝင်များ ပူးပေါင်းပြီး Operation Endgame စစ်ဆင်ရေး ဆင်နွှဲခဲ့ကြသည်။အန္တရာယ်ရှိသော ဆော့ဖ်ဝဲလ် ကူးစက်ခံထားရသည့် အင်တာနက်ချိတ်ဆက်ထားသော ကိရိယာများ အများအပြား ပါဝင်သည့် ကွန်ရက်များဖြစ်ပြီး အဝေးထိန်းတိုက်ခိုက်သူမှ ထိန်းချုပ်ထားသော ကွန်ရက်များဖြစ်သည့် botnets များကို ချေမှုန်းသည့် စစ်ဆင်ရေးများတွင် မကြုံစဖူး အကြီးမားဆုံး စစ်ဆင်ရေးကို Operation Endgame က ဆင်နွှဲခဲ့သည်။ ၂၀၂၄ မေလတွင် စတင်ခဲ့သည့် စစ်ဆင်ရေးဖြစ်ပြီး တနှစ်အကြာတွင် ကြီးမားသော အောင်မြင်မှု ဖြစ်ထွန်းခဲ့သည်။