တောင်ကိုရီးယား ကာကွယ်ရေးဝန်ကြီးဌာနက အမေရိကန်နဲ့ တပ်ဆုတ်ခွာရေး ဆွေးနွေးမှု မရှိဟုဆို

တောင်ကိုရီးယား ကာကွယ်ရေးဝန်ကြီးဌာနက အမေရိကန်တပ်ဖွဲ့များ တောင်ကိုရီးယားမှ ဆုတ်ခွာရေးနှင့် ပတ်သက်၍ ဝါရှင်တန်နှင့် ဆွေးနွေးမှုများ ပြုလုပ်ထားခြင်း မရှိကြောင်း မေလ(၂၃) သောကြာနေ့တွင် ပြောကြားခဲ့ပြီး တပ်ဖွဲ့ဝင်အချို့ကို ပြန်လည်နေရာချထားရန် စဉ်းစားနေသည်ဟု ဖော်ပြထားသော Wall Street Journal ၏ အစီရင်ခံစာကို ငြင်းဆိုခဲ့သည်။ Wall Street Journal ၏ အစီရင်ခံစာတွင် အမေရိကန်ကာကွယ်ရေး အရာရှိများကို ကိုးကား၍ ဝါရှင်တန်သည် တောင်ကိုရီးယားမှ တပ်ဖွဲ့ဝင် ၄,၅၀၀ ခန့်ကို ဂူအမ်အပါအဝင် အခြားနေရာများသို့ ပြန်လည်နေရာချထားရန် စဉ်းစားနေကြောင်း ဖော်ပြထားသည်။