အာဆီယံချန်ပီယံရှစ်ပြိုင်ပွဲကို ဇူလိုင် ၂၅ရက်မှာ စတင်မှာဖြစ်ပြီး ဩဂုတ် ၂၆ရက်အထိ တစ်လကြာကျင်းပမည်

နှစ်နှစ်တစ်ကြိမ်ကျင်းပနေတဲ့ အာဆီယံဒေသတွင်းအမြင့်ဆုံး လက်ရွေးစင်ပြိုင်ပွဲဖြစ်တဲ့ အာဆီယံချန်ပီယံရှစ်ပြိုင်ပွဲကို ပုံမှန် နိုဝင်ဘာ/ဒီဇင်ဘာလတွေမှာ ကျင်းပနေရာကနေ ၂၀၂၆ခုနှစ် ပြိုင်ပွဲက စတင်ပြီး ဇူလိုင်လ နဲ့ ဩဂုတ်လအတွင်းကို ပြောင်းရွှေ့ကျင်းပတော့မှာဖြစ်ပါတယ်။ နိုဝင်ဘာနဲ့ ဒီဇင်ဘာလတွေမှာ ကလပ်အသင်းပြိုင်ပွဲတွေ ကျင်းပနေချိန်နဲ့တိုက်ဆိုင်နေတာကြောင့် ကလပ်အသင်းအများစုက ကစားသမားတွေကို ပြန်လည် မစေလွှတ်တဲ့ ပြဿနာမျိုးရှိနေတာကြောင့် ပုံမှန် ကလပ်အသင်းပြိုင်ပွဲတွေ နားတဲ့ ကာလဖြစ်တဲ့ ဇူလိုင်နဲ့ ဩဂုတ်လကို ပြောင်းရွှေ့လိုက်တာဘဲဖြစ်ပြီး၂၀၂၆ ပြိုင်ပွဲကို ဇူလိုင် ၂၅ရက်မှာ စတင်မှာဖြစ်ပြီး ဩဂုတ် ၂၆ရက်အထိ တစ်လကြာ ကျင်းပမှာဖြစ်ပါတယ်။