မေလ ၂၀ရက် ညတွင် မြိတ်မြို့ ပါရမီလမ်းတွင် လုယက်မှုသုံးကြိမ်ဆက်တိုက်ဖြစ်ပွားခဲ့ပြီး ငွေကြေးနှင့် ဖုန်းအချို့ လုယက်ခံရကြောင်း မြို့ခံအချို့က ပြောသည်။ အဆိုပါညတွင် ဆိုင်ကယ်စီးနင်းလာသည့် အမျိုးသားတစ်ဦး လုယက်ခံရရာ ငွေကျပ် ၂ သိန်းဝန်းကျင်နှင့် လက်ကိုင်ဖုန်း တစ်လုံးပါသွားသည်ဟု သိရကြောင်း ၎င်းတို့က ဆိုသည်။ထို့နောက် ဆိုင်ကယ်စီးနင်းလာသည့် အမျိုးသမီးတစ်ဦး ထပ်မံလုယက်ခံရရာ ငွေကျပ် ၂ သိန်းကျော်ပါသွားပြီး ဆိုင်ကယ် တစ်စီးတည်းအတူစီးလာသည့် အခြားအမျိုးသမီးနှစ်ဦးကို ထပ်မံလုယက်ခဲ့သော်လည်း ပစ္စည်းတစ်စုံတစ်ရာ မပါသွား ကြောင်း မြို့ခံအချို့က ပြောဆိုသည်။အဆိုပါလုယက်မှုသုံးခုစလုံးကို အမဲရောင် အင်္ကျီလက်ရှည် ဝတ်ဆင်ကာ ဆိုင်ကယ်ဦးထုပ်ဆောင်းထားသည့် အမျိုးသား တစ်ဦးက ဆိုင်ကယ်ချင်းကပ်မောင်းကာ လုယက်နေခြင်းဖြစ်ကြောင်း လုယက်ခံရသူများ၏ ပြောဆိုချက်ကို ကိုးကားပြီး မြို့ခံတစ်ဦးက ဆိုသည်။
