မုံရွာမြို့တွင် အိမ်စီးကားမီးလောင်မှုဖြစ်

စစ်ကိုင်းတိုင်း၊ မုံရွာမြို့၊ ထန်းတောရပ်ကွက်တွင် ယနေ့ မေ ၂၀ ရက်ညနေ ၅ နာရီ ၅၅ မိနစ်ခန့်က အိမ်စီးကားမီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။မုံရွာမြို့၊ ထန်းတောရပ်ကွက်၊ ဓမ္မာရုံလမ်းတွင် အိမ်စီးကားမီးလောင်မှုဖြစ်ပွား၍ မုံရွာခရိုင်/မြို့နယ်မီးသတ်စခန်း၊ ထန်းတောအရန်မီးသတ်စခန်း၊ သလ္လာအရန်မီးသတ်စခန်းတို့မှတပ်ဖွဲ့ဝင်များက ပူးပေါင်းငြှိမ်းသတ်ခဲ့ကြသဖြင့် ည ၆ နာရီ ၁၀ မိနစ်၌ မီးငြိမ်းသွားခဲ့ကြောင်း သိရသည်။