အင်အားပြင်းငလျင်ကြီးလှုပ်ခတ်ပြီးတဲ့နောက် ပြန်လည်ထူထောင်ရေးကာလမှာ ဘိလပ်မြေက ရွှေဝယ်တာထက် ခက်လာတယ်လို့ စစ်ကိုင်းနဲ့ မန္တလေးမြို့ခံတချို့က ညည်းတွားပါတယ်။
မြန်မာနိုင်ငံမှာ ဘိလပ်မြေစက်ရုံ ၁၉ ခုရှိပေမဲ့ အပြည့်အဝမလည်ပတ်နိုင်ဘဲ စျေးကွက်ထဲမှာ ဘိလပ်မြေအကျပ်အတည်းက ဖြစ်နေပါတယ်။
ငလျင်ဒဏ်အဆိုးရွားဆုံးခံခဲ့ရတဲ့ ဒေသတွေမှာ ပြန်လည်ထူထောင်ရေးလုပ်ဖို့ အဓိကလိုအပ်တဲ့ ဘိလပ်မြေအပါအဝင် အိမ်ဆောက်ပစ္စည်းတချို့ပြတ်လပ်နေပြီး ဝယ်ယူရခက်ခဲနေတယ်လို့ မြို့ခံတွေက ပြောပါတယ်။
