မြန်မာစစ်ဘေးရှောင်များ ဇီဝသွင်ပြင်အချက်အလက်မှတ်တမ်းကောက်ယူမည့်အစီစဉ်နှင့်ပတ်သက်၍ မီဇိုရမ်ပြည်ထဲ ရေးဝန်ကြီးဌာန နှင့် အိန္ဒိယဗဟိုအစိုးရ ပြည်ထဲရေးဝန်ကြီးဌာနက တာဝန်ရှိသူများသည် မေလ ၁၆ ရက်နေ့က အွန်လိုင်း ကတဆင့်တွေ့ဆုံဆွေးနွေးခဲ့ကြသည်။ အိန္ဒိယဗဟိုအစိုးရသည် မြန်မာစစ်ဘေးရှောင်များအား ဇီဝအချက်အလက်ကောက်ယူရေးကို ယခင်မီဇိုရမ်အစိုးရ လက် ထက်ကတည်းက လုပ်ဆောင်ရန်စီစဉ်ခဲ့သော်လည်း ပူးဇိုးရမ်းထန်းငါဦးဆောင်တဲ့ Mizo National Front (MNF) အစိုးရက ကန့်ကွက်ခဲ့သည်။ ယခုအခါ အိန္ဒိယဗဟိုအစိုးရဘက်က ဇီဝအချက်အလက်များကောက်ယူရာတွင် အသုံးပြုမည့် Portal ကို ပြန်လည်ပြင် ဆင်ပြီး အသုံးပြုရန်အဆင်သင့်ဖြစ်နေပြီဖြစ်သည့်အတွက် အမြန်ဆုံးစတင်လာဖွယ်ရှိသည်ဟု မီဇိုရမ်ပြည်ထဲရေးဝန် ကြီးဌာနတာဝန်ရှိသူများကပြောသည်။
