အစ္စရေးစစ်တပ်သည် မေလ(၁၇)ရက် စနေနေ့တွင် ကိုယ်ဝန်ဆောင် အမျိုးသမီးတစ်ဦးအား မကြာသေးမီက တိုက်ခိုက်မှုတွင် ပါဝင်သည်ဟု စွပ်စွဲခံရသော ပါလက်စတိုင်းအမျိုးသားတစ်ဦးကို သတ်ဖြတ်ခဲ့ကြောင်း ပါလက်စတိုင်း ကျန်းမာရေး ဝန်ကြီးဌာနနှင့် ဒေသခံများက ပြောကြားခဲ့သည်။ အစ္စရေးစစ်တပ်က အဆိုပါ အမျိုးသားသည် အနောက်ဘက်ကမ်းမြောက်ပိုင်းရှိ ဟာမက်ရှ်ဒေသအနီးတွင် ၎င်းတို့၏ တပ်ဖွဲ့ဝင်များအား ပစ်ခတ်ခဲ့ပြီးနောက် ပစ်ခတ်သတ်ဖြတ်ခံခဲ့ရကြောင်း ပြောကြားခဲ့သည်။ စစ်တပ်၏ အဆိုအရ အဆိုပါ အမျိုးသားသည် မကြာသေးမီရက်ပိုင်းအတွင်း အစ္စရေးအရပ်သားများနှင့် စစ်သားများကို ပစ်မှတ်ထားသော တိုက်ခိုက်မှုများစွာတွင် ပါဝင်ပတ်သက်သည်ဟု သံသယရှိကြောင်း သိရသည်။ ပါလက်စတိုင်း ကျန်းမာရေး ဝန်ကြီးဌာနက သေဆုံးသူကို အသက် ၂၀ အရွယ် အာမက် ဆာဒတ်ဟု ဖော်ထုတ်ခဲ့ပြီး ၎င်းသည် စစ်တပ်၏ ပစ်ခတ်မှုကြောင့် သေဆုံးခဲ့ကြောင်း အတည်ပြုခဲ့သည်။ ဒေသခံများက ဆာဒတ်သည် တိုက်ခိုက်မှုများတွင် ပါဝင်ခဲ့ခြင်း ရှိ၊ မရှိကို မသိရှိကြောင်း ပြောကြားခဲ့သည်။
