အခမဲ့ဘောလုံးသင်တန်း မန္တလေးတွင် ဒုတိယအကြိမ် ထပ်ဖွင့်မည်

ဘောလုံးဝါသနာပါသည့် လူငယ်များအတွက် မန္တလေးမြို့၌ နွေရာသီအခမဲ့ ဘောလုံးသင်တန်း ဒုတိယ အသုတ်ထပ်ဖွင့်ရန်ရှိကြောင်း မြန်မာနိုင်ငံဘောလုံးအဖွဲ့ချုပ်ထံမှ သိရသည်။ယခု ဒုတိယအသုတ် သင်တန်းကို မနက်ဖြန် မေ (၁၉) မှ (၃၀) ရက်အထိ ဖွင့်လှစ်သွားမည်ဖြစ်ပြီး ပထမအကြိမ်တွင် သင်တန်းသား (၂၀၀) ဦး တက်ရောက်ခဲ့ကြောင်း သိရသည်။ယခုနှစ် နွေရာသီသင်တန်း MFF Summer Football Skills Course 2025 အခမဲ့ သင်တန်းများကို ရန်ကုန်၊ မန္တလေး၊ တောင်ကြီး၊ ပုသိမ်မြို့များတွင် ဖွင့်လှစ်နေပြီး သင်တန်းသား (၁,၄၀၀) ကျော် တက်ရောက်လျက်ရှိသည်။