လီဗာပူးလ်အသင်း လေဗာကူဆင်နောက်ခံလူ ဖရင်ပေါင်ကို အာနိုးနေရာအတွက် ခေါ်ယူရန် သဘောတူ

လီဗာပူးလ်အသင်းသည် ယခုရာသီအကုန်တွင် အသင်းမှ ထွက်ခွာတော့မည့် နောက်ခံလူ ထရန့် အလက်ဇန္ဒား-အာနိုးလ်၏ နေရာတွင် အစားထိုးရန်အတွက် ဂျာမန်ကလပ် လေဗာကူဆင်မှ နောက်ခံအစွန်လူ ဂျယ်ရမီ ဖရင်ပေါင်ကို ခေါ်ယူရန် သဘောတူညီမှု ရရှိခဲ့ကြောင်း သိရသည်။ သတင်းများအရ လီဗာပူးလ်အသင်းသည် အဆိုပါ ကစားသမား၏ စာချုပ်ဖျက်သိမ်းကြေးဖြစ်သော ယူရို ၃၅ သန်းကို ပေးချေကာ ဖရင်ပေါင်နှင့် ငါးနှစ်စာချုပ် ချုပ်ဆိုသွားမည်ဖြစ်သည်။ အသက် ၂၄ နှစ်အရွယ်ရှိသော နယ်သာလန် လက်ရွေးစင် ဖရင်ပေါင်သည် လေဗာကူဆင်အသင်းတွင် ခြေစွမ်းပြ ကစားထားနိုင်ပြီး တိုက်စစ်မြှင့်ကစားနိုင်မှုနှင့် မြန်နှုန်းတို့ကြောင့် နာမည်ကျော်ကြားသူဖြစ်သည်။