စစ်ကိုင်းတွင် ငလျင်ဒဏ်ကြောင့် အဆောက်အဦတွေ ပြိုကျပျက်စီးခဲ့ရလို့ ပြန်လည်ရှင်းလင်းနေချိန်မှာ မိုးဦးစ ရာသီဖြစ်တာကြောင့် ယာယီအဆောက်အဦတွေ ပြန်တည်ဆောက်ကြရာမှာ လေဒဏ်မိုးဒဏ်ခံနိုင်စေရေး အမိုးအကာအတွက် မိုးကာ ၊ သက်ကယ်စတဲ့အရာတွေ အသုံးပြုကြပေမဲ့ ထန်းရွက်ကို အသုံးပြုမှု ပိုမိုများလာတာကြောင့် ထန်းရွက်စျေးနှုန်း မြင့်တက်လာရခြင်း ဖြစ်တယ်လို့ သိရပါတယ်။ငလျင်မလှုပ်ခင်က ထန်းရွက်တစ်ချပ်ရဲ့ အရွက်လှပုံ မလှပုံကိုမူတည်ပြီး ကျပ် ၃၀၀ ကနေ ကျပ် ၅၀၀ ကြားသာရှိရာက လက်ရှိမှာတော့ ထန်းရွက်တစ်ချပ်ကို ကျပ် ၁၀၀၀ အထိ ဈေးမြင့်တက်သွားတယ်လို့ သူက ဆက်ပြောပါတယ်။
