ထိုင်း အစိုးရက ခရီးသွားလုပ်ငန်း မြှင့်တင်ဖို့ ထိုင်း အရှေ့မြောက်ပိုင်း ဒေသနဲ့ ဗီယက်နမ်ကို တိုက်ရိုက် လေယာဉ် ပြေးဆွဲဖို့ စဉ်းစားနေ

ထိုင်းနဲ့ ဗီယက်နမ် အကြားမှာ ခရီးသွားလုပ်ငန်း တိုးတက်စေဖို့အတွက် ထိုင်း အရှေ့မြောက်ပိုင်း ဒေသနဲ့ ဗီယက်နမ်ကို တိုက်ရိုက် လေယာဉ် ပြေးဆွဲဖို့ ထိုင်း အစိုးရက စဉ်းစားနေပါတယ်။ဝန်ကြီးချုပ် ပေတုန်တန် က ဗီယက်နမ်ကို လည်ပတ်တဲ့ ခရီးစဉ်အတွင်း ထိုင်း အရှေ့မြောက်ပိုင်း လေဆိပ်တွေနဲ့ ဗီယက်နမ် အကြားမှာ လေယာဉ်လမ်းကြောင်း အသစ်တွေ ပြေးဆွဲရင် ခရီးသွားလုပ်ငန်း နဲ့ သယ်ယူပို့ဆောင်ရေးကို မြှင့်တင်နိုင်မယ်လို့ ပြောကြားလိုက်ပါတယ်။ဝန်ကြီးချုပ်က လာအို ကနေ တစ်ဆင့် ထိုင်း နဲ့ ဗီယက်နမ် အကြားမှာ ကုန်းလမ်းသယ်ယူပို့ဆောင်ရေးကိုလည်း မြှင့်တင်မယ်လို့ ပြောပါတယ်။