ဟံသာဝတီယူနိုက်တက်အသင်း တိုက်စစ်မှူး အောင်မြတ်သူသည် ဒဏ်ရာကြောင့် ကျင်းပလျက်ရှိနေသည့် MNL League Cup 2025 ဘောလုံးပြိုင်ပွဲ ပွဲစဉ်များကို လွဲချော် မည် ဖြစ်သည်။ အောင်မြတ်သူသည် ပြီးခဲ့သည့် ဧပြီလက အသင်း လေ့ကျင့်ရေးတွင် လက်ဖျံရိုးကျိုးသည့် ဒဏ်ရာရရှိခဲ့ပြီး ယင်းဒဏ်ရာကြောင့် အနည်းဆုံး သုံးလခန့် အနားယူရမည်ဖြစ်သည်။ ထို့ကြောင့် အောင်မြတ်သူသည် ဟံသာဝတီယူနိုက်တက်အသင်း ဝင်ရောက်ယှဉ်ပြိုင်နေသည့် MNL League Cup 2025 ဘောလုံးပြိုင်ပွဲကို လွဲချော်မည်ဖြစ်သည့်အပြင် ၂၀၂၅-၂၆ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲ၏ အစောပိုင်းပွဲစဉ်များပါ လွဲချော်ရနိုင်ဖွယ်ရှိနေသည်။
