တရုတ်အီးကောမတ်စ်ကုမ္ပဏီ Temu အား ကိုရီးယားအသုံးပြုသူများ၏ ကိုယ်ရေးအချက်အလက်များအား ချိုးဖောက်မှုကြောင့် တောင်ကိုရီးယား က ဒဏ်ငွေရိုက်

တောင်ကိုရီးယား၏ ကိုယ်ရေးအချက်အလက် ကာကွယ်ရေးကော်မရှင် (PIPC) သည် တရုတ်အီးကောမတ်စ်ပလက်ဖောင်း Temu အား တောင်ကိုရီးယားအသုံးပြုသူများ၏ အရေးကြီးသော ကိုယ်ရေးအချက်အလက်များကို ခွင့်ပြုချက်မရှိဘဲ တတိယပါတီကုမ္ပဏီများသို့ ပေးပို့မှုကြောင့် ဝမ် ၁.၃ ဘီလီယံ (အမေရိကန်ဒေါ်လာ ၉၃၀,၀၀၀ ခန့်) ဒဏ်ငွေ ချမှတ်ခဲ့သည်။ PIPC ၏ အဆိုအရ Temu သည် အော်ဒါများ ဖြည့်ဆည်းခြင်း၊ ပို့ဆောင်ခြင်းနှင့် အကောက်ခွန် ရှင်းလင်းခြင်း လုပ်ငန်းစဉ်များတွင် စက်ပစ္စည်း အမှတ်အသားများ၊ အသုံးပြုသူ အမည်များ၊ ဆက်သွယ်ရန်များနှင့် အော်ဒါ အချက်အလက်များ အပါအဝင် ကိုယ်ရေးအချက်အလက် ၁၃ မျိုးကို ပြည်တွင်းပြည်ပရှိ ကုမ္ပဏီပေါင်း ၃၂ ခုသို့ ပေးပို့ခဲ့ကြောင်း တွေ့ရှိရသည်။ Temu သည် ယင်းသို့ အချက်အလက် ပေးပို့မှုကို အသုံးပြုသူများအား အသိပေးရန် ပျက်ကွက်ခဲ့သည့်အပြင် ကိုယ်ရေးအချက်အလက် စီမံဆောင်ရွက်မှုနှင့် လုံခြုံရေးဆိုင်ရာ သင်တန်းများ ပေးခြင်းကဲ့သို့သော လုပ်ငန်းများကို ကြီးကြပ်ခြင်း မရှိကြောင်း PIPC က ဆိုသည်။