တရုတ်နှင့် ကမ္ဘောဒီးယားတို့ အကြီးမားဆုံး ပူးတွဲစစ်ရေးလေ့ကျင့်မှုပြုလုပ်

'ရွှေနဂါး' ဟု အမည်ပေးထားသည့်တရုတ်−ကမ္ဘောဒီးယား ပူးတွဲလေ့ကျင့်သည့် အကြီးမားဆုံး စစ်ရေးလေ့ကျင့်မှုကို ကမ္ဘောဒီးယားနိုင်ငံတွင် ယမန်နေ့ (မေ ၁၄ ရက်) စတင်ပြုလုပ်နေသည်ဟု သိရသည်။နှစ်ပတ်ကြာစစ်ရေးလေ့ကျင့်မှုတွင် ကုန်းမြေ၊ ပင်လယ်နှင့် ဝေဟင် စစ်ဆင်ရေးများလည်း ပါဝင်မည်ဖြစ်သည်။တရုတ်နှင့် ကမ္ဘောဒီးယားတို့သည် ပူးတွဲစစ်ရေးလေ့ကျင့်မှုကို ၂၀၁၆ ခုနှစ်တွင် စတင်ခဲ့သည်။ ယခုပြုလုပ်သည့် စစ်ရေးလေ့ကျင့်မှုသည် အကြီးမားဆုံး စစ်ရေးလေ့ကျင့်မှုဖြစ်ပြီး တရုတ်နှင့် ကမ္ဘောဒီးယားဆက်ဆံရေး ရင်းနှီးမှုကို ပြသနေသည်။