ကလေး - တမူးကားလမ်းပိတ်တာ ၂ လနီးပါးကြာလာတဲ့အချိန် တမူးမြို့မှာ ဓာတ်ဆီ ၁ ဂါလံကို ကျပ် ၄ သောင်းခွဲကနေ ၅ သောင်းနီးပါးအထိဈေးပေါက်နေတယ်လို့ သိရ

အိန္ဒိယ - မြန်မာနယ်စပ်မှာရှိတဲ့ စစ်ကိုင်းတိုင်း၊ တမူးမြို့နယ်မှာ ကလေး - တမူးကားလမ်းပိတ်တာ ၂ လနီးပါးကြာလာတဲ့အချိန် စက်သုံးဆီတွေ ပြတ်လပ်နေပြီး စက်သုံးဆီဈေး (ဓာတ်ဆီ)းနှုန်းလည်း တဂါလံကို ကျပ် ၄ သောင်းခွဲကနေ ၅ သောင်းနီးပါးအထိ ဈေးပေါက်နေတယ်လို့ တမူးမြို့ဒေသခံတွေဆီကနေ သိရပါတယ်။တမူးဒေသခံတွေဟာ စက်သုံးဆီကို တဂါလံကို လေးသောင်းခွဲနဲ့ ငါးသောင်းကြားပေးဝယ်နေရတာလို့သိရပြီး စီးပွားရေးလုပ်ငန်းရှင် အများစုလည်း စက်သုံးဆီ အခက်ခဲကြောင့် လုပ်ငန်းတွေ ရပ်နားထားရတဲ့အထိ ဖြစ်ကြတယ်လို့လည်း သိရပါတယ်။ ကလေးမြို့မှာတော့ စက်သုံးဆီ (ဓာတ်ဆီ) တဂါလံကို ၂၈၄၀၀ ခန့်ဈေးဝန်းကျင်မှာ ရှိတယ်လို့လည်း ဒေသခံတွေဆီကနေ သိရပါတယ်။