ရေဖြူမြို့နယ်၊ ရာဖူးကျေူရွာအနီးတွင် ယနေ့(မေ ၁၄)နေ့လယ်ပိုင်းက ကျိုက်ထီးရိုးဘုရားမှ ပြန်လာသည့် အန်စာတုံး အမျိုးအစား ဘုရားဖူးယာဉ်နှင့် ထားဝယ်မြို့ဘက်မှလာသည့် ဗီဂိုကားတို့ ယာဉ်တိုက်မှုဖြစ်ရာ အသက် ၆၀ ဝန်းကျင်အရွယ်ရှိ အမျိုးသမီးကြီးတစ်ဦးသေဆုံးပြီး လူ ၂၀ ဒဏ်ရာရရှိခဲ့ကြောင်း တနင်္သာရီတိုင်း အရေးပေါ်ကယ်ဆယ်ရေး အဖွဲ့ထံမှသိရသည်။အဆိုပါယာဉ်တိုက်မှုကြောင့် သံဃာတော် ၂ ပါး၊ကလေး ၂ဦး ၊အမျိုးသား ၅ ဦး နှင့် အမျိုးသမီး ၁၂ ဦး ဒဏ်ရာရရှိခဲ့ကြောင်း အရေးပေါ်ကယ်ဆယ်ရေး အဖွဲ့ထံမှသိရသည်။ယာဉ်တိုက်မှုကြောင့်ဒဏ်ရာရရှိသူ ၂၀ ဦးမှာ ယနေ့ မွန်းလွဲ ၂ နာရီ အချိန်တွင် ထားဝယ် ဆေးရုံကြီးသို့ ရောက်ရှိလာခဲ့ကြောင်း၊ အမျိုးသား၊အမျိုးသမီး ၁၄ ဦးမှာအတွင်းလူနာဖြစ် ဆေးကုသမှုခံယူနေပြီး ၆ ဦးမှာ ပြင်ပလူနာအဖြစ် ကုသမှုခံယူနေကြောင်း စုံစမ်းသိရှိရသည်။
