ဆီးရီးယားဒဏ်ခတ်ပိတ်ဆို့မှုအမေရိကန်က ဖယ်ရှားပေးကာ ဆော်ဒီထံမှ ဒေါ်လာ ၆၀၀ဘီလျံရင်းနှီးမြှပ်နှံမှုကတိရရှိမည်ဟု ထရမ့်ပြော

အမေရိကန်သမ္မတ ဒေါ်နယ်ထရမ့် မေ၁၃ရက်နေ့က ပါရှန်းပင်လယ်ကွေ့ခရီးစဉ် စတင်သွားရောက်ခဲ့ကာ ဆီးရီးယားအပေါ် အချိန်ကာလကြာမြင့်စွာ ချမှတ်ထားတဲ့ ဒဏ်ခတ်ပိတ်ဆို့မှုတွေကို အမေရိကန်ဖယ်ရှားပေးသွားဖို့နဲ့ ဆော်ဒီအာရေဗျဘက်မှ အမေရိကန်သို့ ဒေါ်လာ ၆၀၀ ဘီလီယံ ရင်းနှီးမြှုပ်နှံရေး ကတိကဝတ်တို့အကြောင်း အံ့အားသင့်ဖွယ် ကြေညာလိုက်ပါတယ်။ အမေရိကန်က ဆော်ဒီအာရေဗျထံ ဒေါ်လာ ၁၄၂ ဘီလီယံနီးပါး တန်ကြေးရှိတဲ့ လက်နက်ပစ္စည်းများ ရောင်းချရန် သဘောတူညီခဲ့ကာ အိမ်ဖြူတော်ကတော့ ဒါကို အကြီးမားဆုံး ကာကွယ်ရေး ပူးပေါင်းဆောင်ရွက်မှု သဘောတူညီချက်လို့ သတ်မှတ်လိုက်ပါတယ်။