တရုတ်နိုင်ငံအနေဖြင့် ကမ္ဘာလုံးဆိုင်ရာ ဖွံ့ဖြိုးတိုးတက်မှု အဆိုပြုချက်အား အကောင်အထည်ဖော်ရေးအတွက် လက်တင်အမေရိက၊ ကာရေဘီယံ နိုင်ငံများနှင့် လက်တွဲလုပ်ဆောင်ရန် အသင့်ရှိဟု သမ္မတရှီ ပြောကြား

ကမ္ဘာလုံးဆိုင်ရာ ဖွံ့ဖြိုးတိုးတက်မှု အဆိုပြုချက်အား အကောင်အထည်ဖော်ရေး၊ နိုင်ငံစုံပါဝင်သော ကုန်သွယ်ရေးစနစ်အား ခိုင်ခိုင်မာမာ ထိန်းသိမ်းကာကွယ်ရေး၊ ကမ္ဘာလုံးဆိုင်ရာ စက်မှုလုပ်ငန်းနှင့် ထောက်ပံ့ကွင်းဆက်များ တည်ငြိမ်ချောမွေ့မှုကို ထိန်းသိမ်းရေး၊ ပွင့်လင်း၍ ပူးပေါင်းဆောင်ရွက်မှုရှိသော နိုင်ငံတကာပတ်ဝန်းကျင်အား ကာကွယ်ရေးအတွက် လက်တင်အမေရိကနှင့် ကာရေဘီယံနိုင်ငံများနှင့်အတူ လက်တွဲလုပ်ဆောင်ရန် တရုတ်နိုင်ငံက ဆန္ဒရှိပါကြောင်း တရုတ်နိုင်ငံ သမ္မတ ရှီကျင့်ဖိန်က မေ ၁၃ ရက်၌ ပြောကြားခဲ့သည်။