ရန်ကုန်တိုင်းအပါအဝင် နိုင်ငံတစ်ဝန်း၌ လာမည့် (၈)နာရီအတွင်း မိုးထစ်ချုန်းရွာသွန်းမည်ဟု မိုးလေဝသဌာနခွဲ(ရန်ကုန်)က အသိပေးထားသည်။အဆိုပါ အသိပေးချက်ကို ယနေ့ မေ(၁၂)ရက် မွန်းလွဲပိုင်း(၃) နာရီအချိန်၌ ထုတ်ပြန်ခဲ့ခြင်းဖြစ်ပြီး လပွတ္တာ၊ မြောင်းမြ၊ ပုသိမ်၊ မအူပင်၊ မင်္ဂလာဒုံ၊ မှော်ဘီ၊ ညောင်လေးပင်၊ ကျိုက်ထို၊ ဖာပွန်၊ ဘားအံ၊ မြဝတီ၊ ကော့ကရိတ်၊ ကြာအင်းဆိပ်ကြီး၊ မော်လမြိုင်၊ ရေး၊ ထားဝယ်၊ မြိတ်၊ သံတွဲ၊ မြောက်ဦး၊ မင်းတပ်၊ မတူပီ၊ ပလက်ဝ၊ ဖလမ်း၊ မင်းဘူး၊ လွိုင်ကော်၊ ဒီးမော့ဆို၊ ဘောလခဲ၊ မယ်စဲ့တို့တွင် မိုးထစ်ချုန်းရွာသွန်းမည်ဟု ဆိုသည်။
