အနောက်တောင်မုတ်သုံလေနှင့် မိုးလေပြင်းထန်မှုကို သတိပြု

ပြီးခဲ့သည့်ရက်ပိုင်းအတွင်းက မြန်မာနိုင်ငံအတွင်းရှိ အချို့ဒေသများတွင် အပူချိန်ပြင်းထန်မှုဒဏ်ကို အများပြည်သူတို့အနေဖြင့် ဆိုးရွားစွာခံစားခဲ့ကြရသည်။ “တန်ခူးကဆုန်ဆွေ့ဆွေ့ခုန်”ဆိုသကဲ့သို့ ပူပြင်းလှသည့် နွေကာလ၏အပူရှိန်ကို ယခင်နှစ်များနှင့်မတူ တစ်မူထူးကဲစွာ ပြည်သူများခံစားခဲ့ရသည်။ အပူရှိန်ပြင်းထန်လာမှုကြောင့် အပူပြန်တိမ်တိုက်နှင့် အခိုးအငွေ့များ မြင့်မားလာမှုနှင့်အတူ လေထုမငြိမ်သက်မှုနှင့် အခိုးအငွေ့များကြောင့် မိုးကြီးလေထန်ဖြစ်နိုင်မှုအခြေအနေများလည်း ပေါ်ပေါက်လာသည်။