သံဖြူဇရပ်မြို့နယ် ထင်းရှူးကျေးရွာနေ ဒေသခံအမျိုးသားတစ်ဦး သေနတ်ဖြင့် ပစ်ခတ်ခံရပြီး သေဆုံးခဲ့

မွန်ပြည်နယ် သဖြူဇရပ်မြို့နယ် ထင်းရှူးကျေးရွာနေ ဒေသခံအမျိုးသားတစ်ဦးမှာ ယမန်နေ့က သေနတ်ဖြင့် ပစ်ခတ်ခံခဲ့ရပြီး သေဆုံးခဲ့ကြောင်း ဒေသခံများ၏ ပြောကြားချက်များအရ သိရသည်။ယမန်နေ့ မေလ ၃ ရက် မွန်းလွဲ ၃ နာရီ ၃၀ မိနစ်အချိန်ခန့်က သံဖြူဇရပ်မြို့နယ် ထင်းရှူးကျေးရွာ သံဖြူဇရပ် - ထင်းရှူးကားလမ်းဘေးနေ အသက် (၄၀) နှစ်အရွယ် ကိုစိုးသန်း(ခ)သားကြီးဆိုသူမှာ ၎င်း၏နေအိမ်ရှေ့တွင် ဖွင့်လှစ်ထားသည့် ဆိုင်ကယ်ပြုပြင်ရေးဆိုင်ရှေ့တွင်ရှိနေစဉ် ဆိုင်ကယ်သုံးစီးနှင့် သေနတ်သမား ခြောက်ဦးရောက်ရှိလာပြီး သေနတ်အရှည်ဖြင့် ပစ်ခတ်သွားခြင်းဖြစ်သည်ဟု သိရကြောင်း ဒေသခံတစ်ဦးက ပြောကြားသည်။