အိန္ဒိယစမတ်ဖုန်းဈေးကွက်ထဲသို့ စမတ်ဖုန်း ပေးပို့သည့် အရေအတွက်သည် ၂၀၂၅ ခုနှစ် ပထမသုံးလပတ်တွင် သိသိသာသာ ကျဆင်း

အိန္ဒိယစမတ်ဖုန်းဈေးကွက်ထဲသို့ စမတ်ဖုန်း ပေးပို့သည့် အရေအတွက်သည် ၂၀၂၅ ခုနှစ် ပထမသုံးလပတ်တွင် သိသိသာသာ ကျဆင်းသွားခဲ့သည်။ ယမန်နှစ် ပထမသုံးလပတ်ထက် ၇% ကျဆင်းသည်ဟု CounterPoint Research ၏ နောက်ဆုံးအစီရင်ခံစာတွင် ဖော်ပြထားသည်။ဈေးကွက်ထဲသို့ ပေးပို့မှု လျော့ကျရသည်မှာ ထိပ်တန်းဖုန်းအမှတ်တံဆ်ပ်များ၏ မရောင်းရသေးသော ဖုန်းလက်ကျန်များ အများအပြား ကျန်ရှိနေခြင်းကြောင့် ဖြစ်သည်။ဈေးအမြင့်တန်းမှ စမတ်ဖုန်းများသာ အခြေအနေ ကောင်းခဲ့သည်။ ရူပီ ၄၅,၀၀၀ ($540) အထက် ဖုန်းများ ဈေးကွက်ထဲသို့ ပေးပို့မှု ၁၅% တိုးခဲ့ပြီး ဈေးကွက်ဝေစု ၁၄% ရရှိခဲ့သည်။