ဆည်ဆောက်ပြီး ရေထပ်ပိတ်လျှင် ဖောက်ခွဲဖျက်ဆီးမည်ဟု အိန္ဒိယကို ပါကစ္စတန် ကာကွယ်ရေးဝန်ကြီး သတိပေး

နယ်မြေပိုင်ဆိုင်မှုအငြင်းပွားနေသည့် ကက်ရှ်မီးယားဒေသ ပဟယ်လ်ဂမ်အရပ်၌ ဟိန္ဒူဘာသာဝင်လား ဟုမေးမြန်းပြီး အိန္ဒိယ ခရီးသွား အမျိုးသား ၂၆ ယောက်ကို သေနတ်ဖြင့်တေ့ပစ်သတ်ခဲ့သော အစ္စလာမ္မစ် စစ်သွေးကြွအကြမ်းဖက်သမားများလုပ်ရပ်ကြောင့် အိန္ဒိယဘက်မှ ပါကစ္စတန်ကို ပြင်းထန် စွာပိတ်ဆို့အရေးယူမှုများပြုလုပ်နေရာ ပါကစ္စတန် ကာကွယ်ရေးဝန်ကြီး ခါဝါဂျာအဆစ်ဖ်က အိန္ဒုမြစ်ဝှမ်းဒေသ ရေခွဲဝေသုံးစွဲရေးသဘောတူညီချက်စာချုပ်ကို အိန္ဒိယဘက်မှ ဆိုင်းငံ့ပယ်ဖျက် လိုက်သဖြင့် နိုင်ငံ အသက်သွေးကြော ရေကိုဖြတ်တောက်သည့် မည်သည့် စီမံကိန်းကိုမဆို ဖောက်ခွဲဖျက်ဆီးသွားမည်ဟု သတိပေးခြိမ်းခြောက်ပြောဆိုလာပြန်သည်။