စင်ကာပူနိုင်ငံ လွှတ်တော်ရွေးကောက်ပွဲ မဲပေးမှုစတင်

စင်ကာပူ လွှတ်တော်ရွေးကောက်ပွဲအတွက် မဲပေးခြင်းကို မေ ၃ ရက် နံနက် ၈ နာရီတွင် တရားဝင် စတင်ခဲ့သည်။ စင်ကာပူနိုင်ငံ ၁၅ ကြိမ်မြောက် လွှတ်တော်အမတ် ရွေးချယ်ရန်အတွက် မဲဆန္ဒရှင် ၂.၆ သန်းကျော်သည် မဲရုံပေါင်း ၁,၂၄၀ ခုသို့ သွားရောက်၍ မဲပေးခဲ့ကြသည်။ယခုအကြိမ် လွှတ်တော်ရွေးကောက်ပွဲတွင် ကိုယ်စားလှယ်လောင်း စုစုပေါင်း ၂၁၁ ဦးက လွှတ်တော် အမတ်နေရာ ၉၇ ခုကို ယှဉ်ပြိုင်ရယူကြသည်။ မဲပေးချိန်သည် နံနက် ၈ နာရီမှ ည ၈ နာရီအထိဖြစ်ပြီး ယင်းနောက် မဲများကို ရေတွက်ခဲ့သည်။