အိန္ဒိယနိုင်ငံ အနောက်ဘက်ကမ်းရိုးတန်းပြည်နယ် ဂိုအာရှိ ဘုရားကျောင်းတစ်ခုတွင် ဟိန္ဒူဘာသာဝင်များ ရာနှင့်ချီ၍ စုဝေးရောက်ရှိနေသည့် အခမ်းအနားတစ်ခု၌ လူအုပ်တက်နင်းမှုကြောင့် လူခြောက်ဦးထက်မနည်း သေဆုံးကာ ၅၅ ဦး ဒဏ်ရာရရှိခဲ့သည်ဟု ရဲအရာရှိတစ်ဦးက မေလ ၃ ရက် စနေနေ့တွင် ပြောကြားသည်။ မီးနင်းခြင်းအပါအဝင် ဘာသာရေးအခမ်းအနားများအတွက် ရေပန်းစားသည့် Shirgao ကျေးရွာရှိ Shri Lairai Zatra ပွဲတော်တွင် မေလ ၂ ရက် သောကြာနေ့ညပိုင်းက လူအုပ်တက်နင်းမှုဖြစ်ပွားခဲ့ခြင်းဖြစ်သည်။ ဘာသာရေးအခမ်းအနားကို လာရောက်ကြည့်ရှု့သည် ကိုးကွယ်ယုံကြည်သူများသည် ထုံးတမ်းစဉ်လာလုပ်ဆောင်ချက်များကို ဆောင်ရွက်ကြရင်း လူအုပ်ပြိုမှုဖြစ်ပွါးခဲ့ခြင်းဖြစ်သည်။
