ရိုဒရီနှင့် ဟာလန်းတို့ လေ့ကျင့်မှုပြန်လုပ်နေပြီဟု ဂွါဒီယိုလာ အတည်ပြု

မန်စီးတီးနည်းပြ ဂွါဒီယိုလာက စပိန်ကွင်းလယ်ကစားသမား ရိုဒရီနှင့် နော်ဝေတိုက်စစ်မှူး ဟာလန်းတို့ လေ့ကျင့်မှုပြန်လုပ်နေပြီဟု အတည်ပြုပြောကြားခဲ့သည်။ ၂၀၂၄ ခုနှစ် Ballon d'Or ဆု ရရှိခဲ့သည့် ရိုဒရီသည် ဒူူးအရွတ်ဒဏ်ရာ(ACL) ကြောင့် စက်တင်ဘာလကတည်းက အနားယူခဲ့ရခြင်းဖြစ်ပြီး ဟာလန်းမှာ ခြေချင်းဝတ်ဒဏ်ရာကြောင့် မတ်လတွင် အနားယူခဲ့ရခြင်းဖြစ်သည်။ ယခုအခါ အဆိုပါကစားသမားနှစ်ဦးစလုံး လေ့ကျင့်မှု ပြန်လုပ်နိုင်ပြီဖြစ်ကြောင်း ဂွါဒီယိုလာက ကြာသပတေးနေ့တွင် အတည်ပြုခဲ့ခြင်းဖြစ်သည်။