ယခုလို ရေးဒေသထွက် ဒူးရင်းသီးများ အသီးရှားသည့်အတွက် ကုန်သည်များမှလည်း ဈေးကောင်းပေး ကာ ဝယ်ယူလာခဲ့ပြီး ယခင်နှစ်က ငွေကျပ်(၅၀၀၀)တန် ဒူးရင်းသီးတစ်လုံးသည် လက်ရှိ ငွေကျပ်(၁၃၀၀၀) အထိ ဖြစ်လာခဲ့ ကြောင်း မွန်ပြည်နယ် ရေးမြို့နယ်ရှိ အရောင်းအဝယ်ပြုလုပ်သူတစ်ဦးက ပြောသည်။ယခုလို အသီးရှားလာသည့်အတွက် ယခင်နှစ်က ငွေကျပ် (၂,၅၀၀) တန် ဒူးရင်းသီးတစ်လုံးသည် ယခုအခါ (၇,၀၀၀) ၊ ယခင် ငွေကျပ် (၃,၅၀၀)တန် ဒူးရင်းသီးတစ်လုံးသည် ယခုအခါ(၉,၀၀၀)နှင့် ယခင် ငွေကျပ်(၅,၀၀၀)တန် ဒူးရင်းသီးတစ်လုံးသည် ယခုအခါ (၁၃,၀၀၀)အထိ ဖြစ်လာခဲ့ကြောင်း သိရသည်။လက်ရှိ ဈေးကွက်ထဲတွင် အရွယ်အစားပေါ်မူတည်၍ ရေးဒူးရင်းသီးတစ်လုံးလျှင် အနိမ့်ဆုံး ငွေကျပ် (၇,၀၀၀)ကျပ် မှ အမြင့်ဆုံး (၅၀,၀၀၀)ကျပ်အထိ ရှိနေကြောင်း သိရသည်။
