မန္တလေးအခြေစိုက် မြရည်နန္ဒာလူမှုကယ်ဆယ်ရေးအဖွဲ့နှင့် အဲကွန်း၊အအေးခန်းလုပ်ကိုင်သူများ၊ ပြည်တွင်းပြည်ပအလှူရှင်များစုပေါင်းမှုဖြင့် “စေတနာ အခမဲ့ အရေးပေါ် ပြည်သူ့ဆေးခန်း”ကို ယနေ့ မေ၁ရက်မှစတင်၍ ဖွင့်လှစ်လိုက်ပြီဖြစ်သည်။အဆိုပါ အခမဲ့ ပြည်သူ့ဆေးခန်းကို အပတ်စဉ် ကြာသပတေးနေ့၊ သောကြာနေ့၊ စနေနေ့နှင့် တနင်္ဂနွေနေ့တို့တွင် နံနက်၈နာရီမှ မွန်းတည့်၁၂နာရီအထိ ဖွင့်လှစ်သွားမည်ဟု သိရသည်။အခမဲ့ပြည်သူ့ဆေးခန်း ဖွင့်လှစ်ထားသည့် နေရာမှာ မြရည်နန္ဒာလူမှုကယ်ဆယ်ရေးအဖွဲ့ရုံးတည်ရှိသည့် ချမ်းမြသာစည်မြို့နယ်၊ ၁၁၇လမ်း၊ ၅၃လမ်းနှင့် ၅၄လမ်းကြား ဖြစ်သည်။
