အပြန်အလှန်လေးစားမှု၊ တန်းတူညီမျှမှုနှင့် အပြန်အလှန်အကျိုးဖြစ်ထွန်းမှုတို့အပေါ် အခြေခံ၍ တရုတ်-ကနေဒါ ဆက်ဆံရေး ဖွံ့ဖြိုးတိုးတက်ရန် ဆန္ဒရှိကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောကြား

တရုတ်-ကနေဒါ ဆက်ဆံရေး ကိစ္စရပ်တွင် တရုတ်နိုင်ငံ၏ ရပ်တည်ချက်မှာ တစ်သမတ်တည်း၊ အတိအလင်း ဖြစ်ကြောင်း၊ အပြန်အလှန်လေးစားမှု၊ တန်းတူညီမျှမှုနှင့် အပြန်အလှန်အကျိုးဖြစ်ထွန်းမှုတို့ အပေါ် အခြေခံ၍ တရုတ်-ကနေဒါ ဆက်ဆံရေး ဖွံ့ဖြိုးတိုးတက်ရန် ဆန္ဒရှိကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက ဧပြီ ၂၉ ရက်တွင် ပြုလုပ်သော ပုံမှန် သတင်းစာရှင်းလင်းပွဲ၌ ကနေဒါဝန်ကြီးချုပ် မာ့ခ်ကာနီ ဦးဆောင်သည့် ကနေဒါ လစ်ဘရယ်ပါတီက ဖက်ဒရယ် အောက်လွှတ်တော် ရွေးကောက်ပွဲ၌ အနိုင်ရရှိသည်နှင့် စပ်လျဉ်း၍ မေးမြန်းမှုကို ဖြေကြားစဉ် ပြောကြားခဲ့သည်။