စဉ်ဆက်မပြတ် ဖြစ်ပွားနေသည့် ကုန်သွယ်ရေးတင်းမာမှု အခြေအနေက အာရှစီးပွားရေး တိုးတက်မှုကို နှေးကွေးစေလျက်ရှိရာ အာရှတိုက်ရှိ ဝင်ငွေနည်းပါးသော စီးပွားရေးအစုအဖွဲ့က အလွန်ဆိုးရွားသည့် ရိုက်ခတ်မှုကို ခံရနိုင်ဖွယ်ရှိကြောင်း အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) ၏ အာရှ-ပစိဖိတ်ရေးရာဌာန ဌာနမှူး Krishna Srinivasan က မကြာမီရက်ပိုင်း ဝါရှင်တန်၌ ဆင်ဟွာသတင်းထောက်၏ သီးသန့်တွေ့ဆုံမေးမြန်းမှုတွင် ပြောကြားခဲ့သည်။ သို့သော် တစ်ချိန်တည်းတွင်ပင် ၎င်းက တရုတ်နိုင်ငံ စသည့် အဓိကစီးပွားရေးအစုအဖွဲ့နှင့် ဒေသတွင်း ပမာဏ အနည်းငယ် သေးငယ်သည့် စီးပွားရေး အစုအဖွဲ့ အားလုံးမှာမူ အကောင်းမြင်ဖွယ် ပြည်တွင်းလိုအပ်ချက် တိုးတက်မှုအလားအလာ ရှိကြောင်း ထောက်ပြခဲ့သည်။
