မန္တလေးတိုင်းဒေသကြီး ကျောက်ဆည်ခရိုင်အတွင်း မတ်လ ၂၈ ရက်နေ့က ဖြစ်ပွားခဲ့သည့် ငလျင်ကြီးကြောင့် ထိခိုက်ပျက်စီးသွားသည့် အဆောက်အဦများအား စံနမူနာလုပ်ငန်းစဉ်များ (Standard Operating Procedure - SOP) အတိုင်း စနစ်တကျစစ်ဆေးသည့်အတွက်၊ အခန်းကဏ္ဍအသီးသီးမှ တာဝန်ရှိသူများပါဝင်သည့် ဘုတ်အဖွဲ့များ ဖွဲ့စည်းပြီး စစ်ဆေးမှုများ ဆောင်ရွက်နေကြောင်း သိရသည်။ဤလုပ်ငန်းစဉ်ဖြင့် ငလျင်ဒဏ်ကြောင့် ဖြစ်ပေါ်လာသော ပျက်စီးမှုများအား မှန်မှန်ကန်ကန် တိုင်းတာအတည်ပြုကာ လိုအပ်သည့် ပြုပြင်ထိန်းသိမ်းမှုများ၊ အန္တရာယ်ကင်းရှင်းရေးဆောင်ရွက်မှုများ အမြန်ဆုံး ဆောင်ရွက်နိုင်ရန် ရည်ရွယ်ထားသည်။
